Í skammdeginu eru margir svangir.

Ég á mér draum um að byggja upp þjóðfélag til framtíðar, byggja þjóðfélag á traustum grunni þar sem hver sem er sama úr hvernig fjölskyldu hann er, ríkri eða fátækri á möguleika á því að njóta sín sem einstaklingur og byggja upp líf á sínum forsendum. Ég er alltaf að gera mér meir og meir grein fyrir því að það er til fólk á Íslandi sem hefur ekki haft það eins gott og ég og hefur hreinlega ekki haft sömu möguleika og ég til mennta eða til lífs. Þetta er víst bara staðreyndin, röðin hjá mæðrastyrksnefnd rétt fyrir jól talar sínu máli líkt og fjöldi þeirra einstaklinga sem halda jól hjá hjálpræðishernum vegna þess að þeir eiga ekki önnur hús að vernda. Þetta finnst mér sorglegt og þessu vill ég breyta, ég er ekki að tala um að hækka skatta og gjöld heldur lækka skatta og gjöld og nýta þá fjármuni betur sem við höfum til handa þeim sem minna mega sín. Við höfum lítið að gera með það að gera þá ríku ríkari, heldur munum við sem þjóðfélag græða meir með því að hjálpa fólki sem dottið hefur útaf braut ljós og lífs og heldur til í skugga þjóðfélagsins til mennta og lífs og gera þá að nýtum þjóðfélagsþegnum sem borga skatta sína og gjöld.
Við erum þjóðfélag og sem slíkt ber okkur skylda til að hugsa um meðbræður okkar, ef við gerum það ekki hver gerir það þá?

Nýt

Ég skrapp til eyja með Jóa, það var fínt. Ég er kominn í nám á Bifröst það er líka fínt, ég er ekki að vinna neitt. Það er ekki fínt.

Þetta er búið að vera fínt líf undanfarið ánægður með að vera kominn á Bifröst líst bara vel á þetta, er samt ekki alveg nógu sáttur með hvað það gengur seinlega að finna vinnu. Það kemur samt með kalda vatninu. Ég er líka búinn að vera edrú í níu mánuði sem er mjög gott fyrir mig allavega og líklega mína nánustu þetta er miklu betra en ég hélt að þetta yrði. Ágætt að fá tækifæri á því að hreinsa til í kringum sig og svona.

-gunni

Jæja nú hafa himnarnir hrunið.

Já strákurinn er fluttur í bæinn, húsnæðislaus og alslaus og er orðinn hústökumaður hjá góð hjörtuðum ættingjum. En hvað um það, ég gafst upp á þessu ævintýri mínu á Dalvík og er kominn með nýja vinnu í R-vík hjá Toppfisk þar sem ég verð með puttana í hinu og þessu.
Samt aðalega gæðamálum og í sambandi við hina elskulegu menn sem stjórna fiskmörkuðum, það eru sérstök kvikindi, enn allavega ég er að hugsa um að skipta um blogg og fara á þetta bloggar.is athuga hvernig það virkar og hvort manni líkar betur við það.

En þetta er staðan í dag og ójá ég útskrifaðist núna um helgina og get því með góðu móti kallað mig Sjávarútvegsfræðing, það stendur allavega á plagginu að starfsheiti er það.

-gunni

Ekkert partý.

Það verður víst ekkert partý hjá mér á þjóðhátíð, ég fékk ekki þá vinnu sem ég sóttist eftir.
Fékk tölvupóst frá fiskistofustjóra um það í gær en var kvattur til að sækja um starf sérfræðings við fiskvinnslu í staðinn þar sem ekki var ráðið í það job.

Ég er svo sem ekki að súta það að fá ekki þessa vinnu en hefði verið gaman samt að flytja til eyja. Ég er enn að þreifa fyrir mér með vinnu og hvað maður á að gera í framtíðinni, margt kemur til greina sem verður útlýst nánar á þessari síðu við tækifæri.

En það sem er ákveðið varðandi sumarið þá verður stangveiði stunduð við hvert tækifæri og þeir sem hafa áhuga á að koma í silung með mér er velkomið að hafa samband.
Það væri samt ágætt að það yrði fyrr en seinna þar sem það þarf víst að fara að panta veiðileyfi fljótlega.

-gunni

Fékk þetta sent frá honum bróður mínum.

agustbjarni says:
Hvað eiga Peter Crouch og Titanic sameiginlegt?
Gunni says:
veit ekki
agustbjarni says:
hefðu aldrei átt að fara frá Southampton.

Tekk það samt fram að strákurinn er Poolari.

Annars er bara fínt að frétta hjá mér, vinnan gengur vel og er maður núna að plana næstu skref, hef verið að horfa stíft til Danmerkur á skóla þar. Það verður þá aldrei að maður endi í Köben.
Annars á maður kannski að segja minnst heldur láta verkinn tala og sjá svo hvaða möguleika maður hefur núna á vormánuðum.

Ég var einn af 15 að ég held sem sótti um þessa vinnu í Vestmannaeyjum og er ég bara svona lala bjartsýnn með að fá hana, yrði gaman en ég grenja heldur ekki ef ég fæ hana ekki.

-gunni

jæja long time no see.

jæja þá er kannski kominn tími á blogga aðeins, ég er kominn heim líkt og flestir vita og er nú að vinna í Háskólasetri Vestfjarða, þetta er nú bara tímabundið þanngað til að maður finnur eitthvað annað eða fer bara aftur í skóla.

Ég er búinn að verja ritgerðina mína gerði það á síðasta fimmtudag og gekk það bara þokkalega, ég endaði í 8 sem er víst ekkert slæmt. Mér fannst það allavega ekki.

Allar einkunir eru komnar frá Norge og ég hefði nú átt að blóta meir þetta gekk bara þokkalega og skilaði sér allt í hús nokkuð sómasamlega.

Það er samt nokkuð skrýtið að vera búinn að læra, er ekki alveg að ná þessu, skráði mig samt í áfanga núna eftir áramót svona til að hafa eitthvað að gera vegna þess að vinnan hjá mér er 50% sem er of lítið til að ná fullum degi.

Ég er að líta í kringum mig að annari vinnu og hefur hann Viðarsson fengið mig til að sækja um vinnu í Vestmannaeyjum sem ég hef hér með gert. Þetta er vinna hjá Fiskistofu.
Það væri ágæt að fá hana, aðeins að breyta um umhverfi í smá tíma þó að ég vilji vera á ísó þá er líka ágætt að skoða eitthvað annað meðan maður er ungur og óbundinn. '

En allavega þá er verður þetta að duga í bili.

-gunni

Faen!!!!!!

Þetta er búinn að vera meiri helvítis hálfur mánuður, eyddi þar síðustu viku í að klára það sem klára þurfti fyrir próf þannig að maður hefði nú próftökurétt, það gekk auðvita eftir.
Þannig að síðasta vika fór í að lesa fyrir stjórnun eða “ledelse” líkt og þetta heitir hérna úti.

Las ég bara nokkuð samviskusamlega fyrir þetta próf með það upp á vasann að prófið væri á ensku. Mætti í próf á mánudag og fékk að vita það að prófið væri á norsku og ég fengi ekki að nota orðabók það skildi eitt yfir alla ganga.

Eitt yfir alla ganga sagði ég og æstist allur upp tapaði hálftíma á því að reyna að leiðrétta þetta því ég vissi alveg að ég er skráður sem enskumælandi þarna og var skráður á prófblaðið sem einstaklingur sem á að fá próf á ensku.

Þetta lið var ekkert að gefa sig en ég náði samt að fá það til að viðurkenna að þetta var þeirra misstök en ekki mín þannig að ég vann þarna hálfan sigur.

En ég fór og tók þetta helvítis próf eftir að hafa tapað hálftíma á þessu rugli og svaraði því skilmerkilega með slatta af stafsetningar villum, sem ég held að er bara nokkuð eðlilegt.
Nota Bene ég skrifaði á ensku, það er þó skárra en að skrifa á Norsku.

Þetta verður forvitnilegt að sjá útkomuna úr þessu því það er tvennt ólíkt að lesa texta á fræðimáli (svona svipað að lesa Oxford ensku eða lesa stíl eftir íslenskufræðing sem er að slá um sig með fagurfræðilegu skrifamáli) og lesa dagblöð eða tala norsku við fólk.
Þetta hljómar auðvelt en er það ekki.

Ég kom auðvita bandbrjálaður út úr þessu prófi vel pirraður og ómögulegur til samskipta.
Ákvað að setjast niður og skrifa ritgerð sem ég átti að skila inn í dag fyrir klukkan 2.

Ég var búinn að afskrifa þessa ritgerð því ég sá bara fram á að ég næði ekki að skrifa hana og myndi því ekki standa áfangann. Fórnin var svosem ekki mikil þetta er svona hálfur áfangi sem heitir “Introduction to international fisheries management” og er í svipuðu formi og málstofan heima en er kenndur af nokkuð frægum fræðimanni á þessu sviði Sven Jentoft heitir hann og prófessor við NFH.

Jæja við áttu að skila ritgerð til að fá einkunn og var ég búinn að afskrifa þetta því ég sá ekki fram á að geta skrifað þetta og lesið fyrir prófið á mánudaginn. Við fengum ekki ritgerðar verkefnið fyrr en á föstudaginn þannig að öllu jöfnu hefði maður haft helgina til að skrifa.

Ég kom heim á mánudaginn klukkan 4 og byrjaði að lesa greinar og drasl fyrir heimildar öflun. Barði síðan saman ritgerð í gær upp á 12 bls um “Co-management” sem hjálpartæki til að auðvelda mönnum að ná réttlátri niðurstöðu við úthlutun á kvótum.
Þetta varð að duga og vona ég að það dugar til að standa þennan áfanga, ef ekki þá er eitthvað að þessu kerfi því þetta er bara hin fínasta ritgerð miða við tíma allavega.

Ég er samt á því að Norðmenn eru búnir að gera mig að skotskífu fyrir allan pirring sem þeir eru búnir að byggja upp gagnvart Íslendingum í gegnum tíðina í sambandi við fiskveiðar.

-gunni.

Það er ekki mikill munur á þessu pakki, ég hef alltaf sagt þetta. "same shit diffrent day".
Er í prófum og er að verða geðveikur á þessu rugli
Það hefur allt farið til helvítis sem gat farið þanngað.